هل ممكن االحب من الشات

سوال
ممكن يكون صداقة من الانتر نت
اة طبعا
طيب فى حب من النت بجد بجد عاوز حد يجاوب

لا مفيش حب بيجي من النت عشان الشخصيات بتبقى مختلفه عن الي في الطبيعه
يعني انت ممكن تحب حد من النت لما تيجي تشوفه في الطبيعه مش هتعرفه حاجات كتير بتبقى مختلفه فيه
الناس على النت بتتصنع ومش بتقدر تعرفهم على حقيقتهم
لازم تشوف الشخص الي انت بتحبه ان شاء الله مره واحده على الطبيعه
وكمان الناس على النت كله بيكدب على كله ممكن يكون واحد في الميه بس هو الي صادق


انا ده رأيي مفيش حب من النت

ايوه فى حب من على النت وبعدين بيبقى حب طبيعى
وبعدين بيبقى حب بجد وبعدين انت ممكن تحب كانك شوفت اللى بتحبو على الطبيعه لما تتكلم معاه كتير بتبقى خلاص
عرفت اسلوبه وطريقه كلامو وبيعمل ايه وبيحب ايه ومش بيحب ايه
انما بقى حكايه الحب بجد او مش بجد انا هسال حاجه وحد يجاوبنى
الانسان هيستفاد ايه لما يقول لواحده بحبك وهو مش بيحبها هيستفاد ايه
اكيد مش هيستفاد حاجه علشان كده فى ناس
كتير بتحب من على النت
وبيبقى حب بجد
وفى ناس كتير اوى بترتبط ببعض وبيكونو عارفين بعض من على النت
يعنى انا حصل قدامى اكتر من ارتباط
جواز يعنى وبيكونو عارفين نفسيهم من على النت وبيبقو مبسوطين فى حياتهم
ده رايى

شكرا على رددكو ياشباب

حب النت مش حب مجرد تعود


اعتقد مريت بتجربه فيه بندم

جدا ان دخلت فيها

والله بجد حب النت مش صادق

بيكون تعلق فقط

في حب من النت ايوه على رأي كريم ..ان بتكون عرفت الي قدامك تصرفاته وكلامه والي بيحبه والي بيكرهه بس الاهم لو كان مفيهوش تصنع او كذب ساعتها تقدر تحب ...بس حتى لو شافه ياسندي في الحقيقه هيحبه لان الواحد مش بيحب الشكل بيحب الشخصيه
وعلى قول هايدي كل شيء جايز
وطبعا كل ده بيعتمد على اسلوبك انت او الصدق في كلامك مع الناس
لكن لو انت حياتك كذب في كذب عمرك ماهتلاقي حد يحبك ولا هتقدر تحب حد

ده رأيي ..في حب من على النت ...بس نادر ماتلاقي لان معظم الناس بتدخل النت عشان يضحكو على بعض ويلعبو بس مش بيستفيدو حاجه ...,


تحياتي