@@ اغاني الاطفال قبل @@

@@ اغاني الاطفال قبل @@

--------------------------------------------------------------------------------

اغاني تراثيه كان يتغنى بها الاطفال زمان


ولد عمي ما بغاني ... تنقى علي واختار
تنقى ام السلاسل .. ام الشغاب الطوال
حلفت انا لزامط .. بالند وبالبياض

____

يا عليا قومي ركبي ... بيقودبج علوه
المطرح والزوالي .. جدامج ربعوه
نهار ما صبحتي .. المدفع ثوروه
الحلوى في القواطي .. والنخي نثروه

____



يا فاطمة بنت راشد .. يا شيخة البنات
انتي قصيره وبيضا ... والخشم مكعبات
يا قصة يانثرية ... تنثر على الحياة

____



يا عليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها.

____


يا بنية ما دريتي ... عن خطار لفوج
قالت لفوني غبشة .. على خيول وبوش
مصلين الجمعه ..صقر ولد الشيوخ
يالس على الدجيجه .. يالس ويعد فلوس
يا الطاسه يا المخبوقه .. ما ضمتها الفلوس

____

يا بنيه موتي غصه ... اذا انا مريت
انا سلبت فوادج ... في السكه واتليت
يالغرفة يا الشرجيه ... بناها بو علي
حق عاشه البدويه .. بنت محمد علي

____


من اليوع لو متّي .. ما يوزج شتّي
بيوزج تاير .. لو بالحجي جاير
يا بنيتي يالزينه ... صبي لبوج دهينه
جان ما رضى ولد عمج.. صبي واجلعي عينه

____


يرقد وليدي رقده هنيه
رقدة الغزلان في البريه
يرقد وليدي طيب الله نومه
وعدو وليدى ما هنا بمنام

____

عيال عمي سبعة .. خلوني باتنقى
نقيت بو طاقية .... بو يوخه ما رضى
زامط عليه بخشمه .. يا خشم اليوحره
خشمي طويل وغاوي ..شفته في المنظره .
حيا الله اللي يباني .... يسلم العشره

____


عمتي مرت ابويه ... الله يسلط عليها
يوم يتها الهديه .. دستها في الزويه
تتحسبني طلاّبه .. اطلب على البيبان
ما جن ابويه تاجر ..بيصوغ لي الذهبان

____


طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطر بيد الله ... كسر حوي عبدالله
طاح المطر من فوق .. كسر حوي بن طوق

____


حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله

ان شـاء الله تعجبكم

اغاني وطنية

--------------------------------------------------------------------------------

هلا والله بكل من شرف للصفحه هذي

نورتوا والله ...

اليوم بنت قطر يايبه لكم الاغاني الوطنيه الخاصه بالدوله الحبيبه قطر

وان شاء الله تعجبكم هالمشاركه

ونبدأ

السلام الوطني لدولة قطر

http://www.shababqtr.com/site/rel/anthem.rm

هام السحايب

http://www.shababqtr.com/site/rel/ham_als7aeb.rm

دار الخير

http://www.shababqtr.com/site/rel/dar_alkher.rm

ياقطر

http://www.shababqtr.com/site/rel/yaqatar.rm

مملوحة الفال

http://www.shababqtr.com/site/rel/mmlo7at_alfal.rm

محبوبتي

http://www.shababqtr.com/site/rel/m7boobte.rm

هلي برد

http://www.shababqtr.com/site/rel/hle_bard.rm

تامرين امر

http://www.shababqtr.com/site/rel/tanren_amr.rm

جو الامجاد

http://www.shababqtr.com/site/rel/jaw_alamjad.rm

مايوصف

http://www.shababqtr.com/site/rel/mayosf.rm

ولكم مني اغلى التحيات

بنت قطر