نكت نص نص

موضوع: نكت نص نص الأربعاء يناير 09, 2008 1:43 am

مرة واحد مسطول بيلعب كورة اخد الكورة على صدرة طلعها من منخيرة
***************************************
ضابط المرور بيحقق فى حادث... سأل الاول ..
فرد .. يا بية انا اديتة كلاكس .. واديتة انوار وصرخت فية علشان
يبعد ومفيش فايد سأل التانى .
...... فرد ... يابية انا اعمل اية ، انا قاعد فى الكشك بتاعى
***************************************
مسطول لابس جزمة ، فردة بيضة والتانية سوده قابله مسطول تانى ....
وقاله: "ايه ياواد الجزمه الشيك دي. راح المسطول الاولاني حط رجل علي رجل
وقاله: وشرفك إنت.. عندي جوز جزم تاني فى البيت شبهه بالظبت
***************************************
جماعة مساطيل بيتفرجوا على الاخبار .... فنشرة الاخبار طولت
الاولانى قال للتانى :هى لية نشرة الاخبار طولت النهارد كدة؟ فراح التانى رد علية
وقال معلش اصل شكلها كدة النهاردة اخر حلقة
***************************************
مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه

***************************************
مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة
****************************************
مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي
فقال له السكران طيب ماتيجي تقعد معايا شوية
****************************************
مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني ب
يقولوا لا انا الي شايفك تلاته فقالوا الاول لا انا الي شايفك اتنين
المهم قالوا خلاص احنا نروح لشيخ المساطيل فقال خلاص نروح لشيخ المساطيل
فراحوا وعرضوا عليه المشكله. فقالهم خلاص اصحاب المشكله يقعدوا على جنب
والباقي ده كولوا يروح
****************************************
سكران بيقول سبحان الله الانسان زي البني ادم لما بيتوفى بيموت
****************************************
اثنين سكرانين واحد قال للثانى تعرف بيعملوا اية فى اوروبا لما المطر بيمطر ..
قاله لا معرفش .. قال له بيسبوها تمطر
****************************************
فار محشش قال : كل القطط تحت جزمتى لقى وراه قط اسود قال الا ابو سمره حبيبى
****************************************
واحد مسطول كل ما يجي يشنقوه ، الحبل ينقطع نظر للسجان وهو متغاظ
وقال له احنا جايين ننشنق ولا جايين نلعب
****************************************
واحد مسطول بيسال صاحبه المسطول ايه اسماء اخوتك الشباب؟
قاله:كلهم أسمهم محسن الا ادهم اسمه تامر
****************************************
واحد مسطول دخل مطعم وقال لصاحب المطعم عندك حلقات بصل قاله صاحب المطعم ايوه
فقاله ادينى الحلقه الاخيره
****************************************
مره واحد بيحشش بيقول لصاحبه امبارح جيت اسحب نفس قالوا لى ملكش رصيد
****************************************
مرة واحد بخيل جدا تزوج راح يقضى شهر العسل وحدة
****************************************
اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله
دة باين مافيش حد.. قاله إزاى ده النور منور
****************************************
واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة
راحت ملتفتة ليه وقالت له يا سكران راح قايل لها طب انا سكران حفوق بكرة .. وانتي
****************************************
سكران ماسك الفرخة بتاعته ..قاعد يضرب فيها يضرب فيها
ويقولها: كل يوم بيض بيض مافيش جبنه
****************************************
واحد سكران اتصل على مصر للطيران بيسأل الرحله من القاهره للندن هاتخد اد ايه
فرد عليه الاستعلامات وقاله: ثانيه واحده قاله السكران طب شكرا
****************************************
مرة فار سكران على الاخر شافة قط جعان قعد يجرى وراة فعدت عربية بسرعة فرمت القط..
( والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة
****************************************
مرة واحد مسطول وقف تاكسي كان سواقه برده مسطول قاله تاخد كام وتوديني فين
قاله هات اللي تجيبه وانزل هنا
****************************************
واحد مسطول راح مطعم وقال لصاحب المطعم سندوتش طعمية من غير سلطة..
صاحب المطعم كمان مسطول قال له من غير سلطة ايه؟ قال له : من غير سلطة قوطة
صاحب المطعم : ماعنديش سلطة قوطة اعمله من غير سلطة طحينة؟؟؟
****************************************
مرة واحد حشاش لما قبض مرتبة راح البيت وقعد يقسم المرتب 100 ايجار –
100 مصروف بيت –200 حشيش وفجاة .. وهو قاعد سمع خبط على الباب فقال مين
رد علية اللى برة قالوة بوليس.. فراح مقطع ال200 جنية بتوع الحشيش
****************************************
جماعه صعايده وجماعه فلاحين قاعدين بيحششوا البوليس كبس الفلاحين جريوا..
والصعايده استخبوا فى البوكس
****************************************
مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه
فعلى صوته شوية : قدامك شجرة.. برضه مردش عليه فقاله : حاسب قدامك شجرررا
طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟
فالتانى رد عليه : و أنا أعملك إيه مش إنت إلى سايق ؟؟؟
****************************************
مرة واحد مسطول جه يخرج من العربية لقى الدنيا بتمطر راح خارج من الباب التانى
****************************************
مره واحد مسطول اوى راجع بيتهم الساعه اتنين بليل فاخته فتحت له الباب
قام ضربها بالقلم على وشها طاخ..وقالها كنتى فين لحد دلوقتى
****************************************
نملة ماشية على حرف كوب عصير فراولة فقالت : ياه اخيرا شفت البحر الاحمر
****************************************
مره واحد راح يشترى بكته بانجو بعشرة جنيه الحكومه طبت على المكان
الى هوة فيه راح رامى العشره جنيه
****************************************
مرة واحد مسطول أحول، جه يعيط قام ريل
****************************************
واحد رخم نزل الشارع وقف قدام عمود ... قالوه عديني
****************************************
ظبطوا بلديات بيشمو اسمنت ابيض
****************************************
مره واحد مسطول ماشي مع حبيبته في نص الليل فا شافت ابوها
فقالت يالهوي بابا بابا فقالها ماتخافيش قوليلوا اخوكي
****************************************
كان فية واحد مسطول بيخبط على عمود النور المضيئة للشارع
فجاء مسطول اخر وقال لة اية محدش فتحلك الباب ثم نظر الى الأعلى وقال لة
خبط جامد الظاهر انهم فى الحمام

موضوع: رد: نكت نص نص الإثنين يناير 14, 2008 7:13 pm

ههههههههههههههههههههههههههههههههههههههههههههههه lol!

كل دي ونص نص

جامده تسلم ياجميل عالمشاركه

موضوع: رد: نكت نص نص الثلاثاء يناير 15, 2008 2:20 am

والله انتى اللى جميلة وكللك زوق احسن بنت فى المنتدى والله