السلام عليكم ورحمه الله وبركاته
فضفض يا استاذ فضفضى يا أنسه
كنت فاكر اول ما بقيت عضو فى المنتدى ان قسم فضفضه ده هايبقى الاقبال عليه اكبر من غيرة .
يعنى بيتهيألى مفيش حد خالى من الهموم .
هوا انا صح ولا غلط .
كلنا عندنا مشاكل .
وكتير مننا مشكلته انه مش لاقى حد يفضفض معاة .
طب ما فيه حل للمشكله دى بالذات .
احنا مش كلنا اخوات ؟ .
صح؟ .
هااااا مستنى ايه انتا وهيا .
اكيد طبعا كلنا اخوات .
اخوت فى الدين اولا . فى العروبه . كتير منا تقريبا من مصر يعنى اخوات قوى قوى قوى .
سعات بيبقى الواحد واقع فى وارطه . وبيبقى حاسس ان الدنيا سوده فى عنيه وبتبقى المساله مجرد حاجه وتعدى شى عادى او حتى ممكن تكون صعبه فى الحل بس مش مستحيله ويقعد يتخبط هنا وهناك وكل اما يحاول يحلها يعقدها وفى الاخر ممكن ينتحر (ههههههههههه) يعنى والله ممكن فى معنا اعمار صغيرة قوى انا ممكن اتوة فى مشكلتى وهما مايعرفوش يساعدونى بس فى هنا ناس اكبر منى ممكن الاقى عندهم حل سعات بتبقى المشكله مشكله تجربه .
حد يقولى يعنى ايه . طبعا محدش هايقول ..........
ماعلينا انا هارد رخامه بقى .
يعنى فى حاجات كتير ممكن تكون بالنسبه ليك او ليكى صعب فيها اتخاذ قرار او معصلجه مشوشه مش واضح ليها معالم بس فى نفس الوقت انا او غيرى قابلنا الموقف ده و عندنا خلفيه عنه ممكن تفيدك .
هوا مش بيجى فى اعلانات تنظيم الاسرة يقولك اسأل واستشير ! طب ماحنا هنا ممكن نسأل ونستشير ونستنير .
مش شرط نلاقى الحل عند الكبير ممكن يكون موقف جديد انا ما مريتش بيه بسبب المكان او الوقت والتغير يعنى انا مثلا وانا عندى 15 سنه كنت يادوب بسمع عن الكمبيوتر تقريبا مكنتش استخدمته غير مرة واحده ز دلوقى العيال الصغيرة بقو عفاريت يعنى ممكن يكون عند الصغير برضه اجبات لحاجات كتيرة وبعدين الاجيال الصغيرة دى اصلا مش اطفال يعنى مش كلهم فى كتير منهم بسم الله ماشاء الله عندهم فكر وعقليه محترمه اصل الحاجات دى بتبقى هبه من ربنا مالهاش دعوة لا بسن ولا غيرة .
عارف انك زهقت يا اللى بتقراء بس انا خلاص هامشى . انتا يا استاذ وانتى يا انسه اللى عنده مشكله اى مشكله كانت يدخل هنا ويصرخ ويقول الحقونى مفيش حد هايخاف عليكم قد اخواتكم اللى هنا واللى مكسوف يعمل اشتراك باسم منعرفهوش بس لو هوا محرج من الموضوع او حاجه زى كده .
ياله بقى سلام
معلش طولت عليكم .
الثلاثاء أكتوبر 23, 2007 10:46 pm
اه كلنا اخوات بس انت عايز توصل بايه بالظبط الهموم كتير والحمد لله المشاكل كل ما تنحل واحده تطلع ميت واحده حنقول يارب وهو بايده كل حاجة 
