تحب ايه فى شريك حياتك؟

حب على النت ممكن بس اساسا يا شباب ويا شبات ويا عيال 99% من الكلام عبى النت مش حقيقى وانا شفت

بعينى والله محدش قلى البنت تقولو انا شعرى اخضر وعنيا صفرا (او كوحلى مش فارقه اهو كله كدب) وهوا

يقولها انا عندى شاليه فى
الساحل الشمالى ومبشربش سجاير وبابى مالتى مليونير وكل واحد يقول لنفسه ان الطرف التانى كويس ليه ومش

لازم اخسرة فالكدب يزيد ويزيد .

دا نوع من اللى بيحصل فى شباب كتير برضه بدخل لعالم النت دا عشان التسليه فى اللى بيتسلى انه يضع وقته
فى كلام فارغ وفى اللى بيضعه فى كلام فارغ ودول مش كتير يعنى نقول 80% ؟

والله اعرف ناس منهم معرفه الى حد ما كبيرة يتعرف على فلانه ويوم والتانى بحبك مش عارف اعيش من غيرك
لو عدى يوم عليا من غير ما القكى اونلاين بيحصلى ويحصلى


والاصل بيكون مجرد انه يتباهى انه يعرف كذا بنت وقابل فلانه وعلانه ولا حب ولا بتاع على فكرة انا مش ضد
فكرة الحب عن طريق النت 100% بس مين يضمنلى مثلا ان اللى بتكلمنى 1. بنت 2. محترمه 3. مش
بتكدب 4. بتحبنى انا بالذات مش زى ما بيقولو اهو جوز والسلام 5. انها مش بتتسلى ليه لا زى ما فى ولاد
بيخدوها تسليه ممكن يكون فى بنات

انا على طول فى سيبر نت حتى لو مش شغال بكون فيه والله فى ولالد بيكلمو ولا زيهم على انهم بنات ومش

اطفال لا والله فرق السن منى ليهم لا يتعدى 3 سنين واللى منهم بيعمل انه بنت عشان البنات ترضى تكلمه

ويوصل فى النهايه انه يعرف حاجات عن الشخصيه اللى بيكلمها .......الخ


الفكرة انك تعجب ببنت من على النت او كده وارده بنات كتير الواحد اعجب بيهم قوى ماحنا كنا برضه صغيريين
يوم من الايام بس معظمهم الاعجاب بيتحول لحب اخوى او حتى بيكون فكرة مش صحيحه مثلا يا سيدى انتا
وانتى كلنا عامه مش فى ناس اول مرة قابلتهم حبيتهم وقلت دول كويسن وكده وبعد فترة اتضح انك كنت غلطان
والعكس انك قابلت ناس اول ماعرفتهم قولت ايه دا الواد دا رخم وغلس و.و.و وبعد كده بقى الرخم دا حبيب قلبك

عشان يكون فى حب مقبول لازم يكون فى صدق وصراحه 999999999999999999% من غير

الصراحه المطلقه يبقى لا فى حب على نت ولا فى الحقيقه

وبقولها للبنات كلهم اللى يعرفونى ويثقو فيا متصدقيش اى حد يقولك بحبك ولا تصدقى كل اللى كلمتيه على النت

وانتى وعقلك وبيقولو الكدب مالوش رجلين يعنى الكداب بيبان سهل قوى من كلامه

والشباب اللى معانا برضه يارجاله النت فى موضوع الحب لما ميكونش فى صراحه مش بيبان لكل واحد الا
مميزات التانى يعنى الولد يقول هيا جميله ومؤدبه ومتعلمه وهيا تقول هوا وسيم ومؤدب وابن ناس

كل واحد حتى بيبين مميزاته ويخفى عيوبه

منها المستوى الاجتماعى الشغل اخواته امه ابوة دى حجات بتأثر

حتى لو الطرف التانى ممتاز من وجه نظرك ممكن يكون فى مستواة الاجتماعى مشكله والله بجد يا يكون على قد
حاله ومش هايعرف يتجوز ولا حتى بعد 20 سنه يا يكون اغنى وتبقى انتا اللى اقل منه

يا فى اهله يعنى مثلا والد حبيبتك ياسيدى بيقضى جازة فى ابو زعبل ولا مشهور بسمعه وحشه نصاب مثلا او
مدمن مكيفات (مش قهوة وشاى طبعا ) يعنى خمور ومخدرات الخ يجى واحد يقولى بس حبيبتى مالهاش ذنب وانا
بحبها هيا وماليش دعوة بأهلها اقول ماشى دا لو هيا الملاك البرى النت مش بيبين الا الميزة بس عيوب لا مش بتبان

بس القسمه والنصيب لو جت عن طريق النت مش حرام يعنى زى ما فيه كدابين على النت فى رجاله وجدعات
وجدعات وناس بتتكلم بصدق

مش تكلم واحد تقولو عيوبك ايه يرد يقولك انى صريييييح قوىىى وواحد تانى تقولو عيوبك ايه يقول عندى قشرة
فى شعرى او بنت تقولى عيوبك ايه تقول رموش عيونى محتاجين تغذيه اصلهم بيسقطو او تقولك مبكبش البس
كعب عالى.


حب بعده جواز صح ؟

صح؟

انا هارد صح الحب المحترم المقبول اللى يكون نهايته جواز او حتى ممكن تكون بدايته جواز يعنى حب نت من غير

نيه جواز دا مش حب دا يبقى كخ تضيع وقت من طرف او من الاتنين


طولت انا معلش بس اصل الموضوع مهم

حب على النت سهل قوى انك تلاقى شخص يعجب بيك على النت يعنى مثلا انا مع انى اجتماعى وليا
اصحاب كتير ربنا يخليهملى بس عندى تحفظ فى التعامل مع اى حد معرفوش مش خواف بس يعنى مبحبش
افرض نفسى على حد مع انى بطلع عنين زميلى

فى النت عادى اللى تعوز تكلمه تكلمه هوا اخرة ايه لا يعرفك ولا يقدى يمسك خلاص اكلمه كويس ودمه خفيف
اضيفه واصاحبه رخم وقليل الادب اديله اجور على طول

كذا واحد ممكن يعجب بيك او بطريقه تفكير او كلامك او او

ممكن يكون فيهم بنات اعجاب يتحول لحب الخ

بس عشان نقول كلام صح حب نت عشان يكون شى الكل يحترمه وانا وانتا وانتى نحترمه لازمه حاجتين مهمين
قوى وممكن انتو تذودو عليهم بس انا هاقول اتنين بس الصدق كبدايه فى كل كلمه والجواز كنهايه

معلش انا طولت قوى بس نعمل ايه ماباليد حيله رغاى بقى معلش
ملحوظه دى وجه نظر يعنى اللى يوافقنى كلامى اهلا وسهلا واللى يعارض انا راجل دبلوماسى هاعدمه